方楷鳳
6月5日 14:13 ·
https://www.facebook.com/groups/ ... k/4247987845222294/
見有人開帖，費事俾人亂猜測越描越黑，我唯有親自講成事來龍去脈，點解會突然冇做？事實上係突然炒，原於由呢個張萬有訪問引起的。
張萬有訪問我完全冇參於，就連後期製作（去綠幕、剪輯、加特效）大肥都冇俾我做！因為之前曹偉樑訪問都係由我做的，我以為一定係交俾我，所以一早將下星期一、二、三版圖和節目安排做好，迎接呢篇訪問，但等好多日都冇人交俾我！問老馮什麼一回事？老馮講個訪問出咗問題，效果唔好（其實就係指大肥的表現），除非要好好剪接過！咁我講交俾我啦，但條原片管理不在老馮手中，要等大肥安排！
結果就是我親自問大肥，大肥唔肯，重話個訪問萬有係仆街，寸！訪問講嚟講去只係三幅屁！條片交俾自己個仔剪得啦！條片剪好後，老馮一直阻止出街，話要同三人組睇過再剪請攔置著，但大肥雖應允，但依然照俾佢仔安排出第一輯！目的好單簡，想世人批評萬有的不是！結果觀眾反應完全倒轉，全部人鬧佢99%為多。
俊仔同老馮知道件事再漫延落去，會影響到慢慢傾個節目同大肥形像聲譽，想辦法挽救呢一次公關災難！就同大肥提議第二、三輯一定要剪過，大肥話點剪？老馮講將一D大肥失禮同喧賓奪主的內容剪走，大肥大發雷霆！完全失控，之後打電話同我講：「我每個月貼錢養你地、裁培你地！你地夾起反我?」共產黨、港府都收唔到我聲！我竟然被自己貼錢養育、裁培的自己人叫收聲?
好啦，我唔玩啦！齋吹我唔搞啦，有本事你地自己搞！我用咗好心機叫佢冷靜平心靜和慢慢解決，但佢完全失控冇情講！我講成件事我冇參於，得罪你的人唔係我，你連我炒埋好唔公平喎？而且你至少俾一個前通知，我毫無心理準備！或俾我做多一個月，我為了做節目購買了一些器材，你咁做我會好傷！週轉唔到，佢講冇迫我買，唔關佢事！我發覺佢完全失控狀態，一切聽不下去，最後放棄繼續對話。
成件事就係咁發生啦~！昨晚的慢慢傾直播我冇睇，但雷詠順SEND了一小段俾我睇，係交待冇我版圖的事件！其實聽落有點悲涼，如果客套話多謝方生過往的努力做咗咁多靚嘅版圖，希望有機會再合作過！我心都會舒服D！但果種否定的帶過，真係有D傷心！
我做版圖係用我專業態度去做的，相都係自動自覺去搵的，冇人提拱靚圖俾我或起字我就一早準備好！你覺得咁快咁易起貨咁好做，係出於我經驗！但大肥認為起香港20蚊搵過人就可以做到，所以點解D版圖會由老馮接手？佢地認為完全質素冇問題，你地睇萬有個訪問，由佢仔做，個綠幕爆哂，大肥耳仔同臉肉都唔見一忽，萬有坐既梳化又爆又爛，連褲腳人人都穿崩，背景圖竟係放新龍低解像圖！
呢D咪叫劣幣驅良幣囉！作為港漫評論人，你應該知道每個人都有個人價值，唔係搵個參於好多年的人就可以畫好龍虎門！點解李高當日無法取代萬有?點新龍水準日漸低落?
20蚊搵個人就可以代替方生版圖，老馮都可以做！我明既，人地入嚟聽係主持人，版圖冇係綠幕都無問題！所以多謝昨日因版圖睇到唔對路而問起我方生的人，你有留意到我的努力，多謝。
其它嘢我唔多講，因為我在其它帖子回應了ANDY了！成件事我冇參於，但中炒的人是我，其它人依然舞照跳、馬照跑！受害者只得我一人。最後要講識大肥係原於我做中間人介紹萬有，分開亦因為萬有，真係奇妙。
最後都係講番句，我係感恩大肥在疫情爆發失業下請了我做呢份工作，俾咗機會我！但我不能釋懷以咁既事件被收尾，但我唯有無奈去接受。 |
新浪微博
QQ空间
人人网
腾讯微博
Facebook
Google+
Plurk
Twitter
Line
