田啟文 離開星爺真正原因

出現信任危機
“作為一個一直咁義無反顧幫佢手嘅人
我需要思考，呢個危機既然出現咗
即係仲會繼續發生落去
咁我都要考慮返自己”

這個下午，已年屆65歲的田雞（田啟文），一身平常街坊穿著回到公司，跟幾個同事簡單對接幾句工作，再跟我和攝影師平常地友善微笑打招呼。

「也無風雨也無晴」，似是寫了在他臉上的心境寫照。

憑跟余香凝於《雙囍》飾演父女，勇奪台北電影獎「最佳男配角」獎項。戲中他自由發揮加對白，於婚禮中拖住穿著一身婚紗的余香凝，對她說：「我終於感受到，嫁女好似失戀咁，好痛啊！」，令很多觀眾都忍不住笑着流眼淚。

入行47年。演出過大量電影及劇集，亦曾執導及監製過十多部電影的田啟文，於周星馳演藝生涯最光榮那20年，卻總不時被某些人只標籤成「星爺身邊個擦鞋仔」。
過去連一次提名也未曾出現過，等了47年，這一次終於可以站上頒獎台高舉獎座，還幽默地說了一段令台下觀眾接連發笑鼓掌的得獎感言。

【星爺有恭喜我】
沒料到，卻又換來一些花生友網民不懷好意的猜度：「點解無多謝周星馳？」、「原來佢哋當時真係不和先決裂」、「唔怪之得《功夫女足》無搵田雞啦！」

已經歷過數不清人情冷暖的他，對於這一些流言蜚語，只不慍不火地帶笑回應：
「佢（周星馳）有發訊息恭喜我，大家可以釋懷。我哋無嘢嘅！哈！唔係唔想多謝佢，但係呢件事唔關佢事，又無嘢需要去多謝佢。」

【星爺話：唔係你，仲有邊個做？】
這些年來，跟周星馳共事過的人，一個接一個決裂後不斷公開對他惡意中傷，把他人格詆毁如地底泥；田雞離開他後，卻沒說過對方一句壞話，還不時為他美言幾句。

過去每當提到跟周星馳於09年結束賓主關係，田雞總是回答因想多點時間陪伴太太，自問對周星馳的作品已沒太大貢獻……

今天面前的他，似是更加「打開天窗說亮話」，說了一個過去少有提及的原因。
「我走嘅時候佢無挽留我。當時我走嘅最大動機，係因為已經出現咗信任危機，我唔想件事再去惡化到失控。咁多年嚟，我都無刻意去講。係有件事發生咗，有消息傳咗出去，佢走嚟問我：「係咪你做㗎？」我話：「唔係。」跟住佢話：「唔係你，仲有邊個做？」我真係唔知！你懷疑我無問題，但唔使聽其他講。其他人都話：『係佢啦。』我唔係一個咁嘅人。作為一個一路咁義無反顧幫佢手嘅人，我需要去思考，呢個危機既然出現咗，即係仲會繼續發生落去……咁我都要考慮返自己。」

或許有一些話，已憋了在心裡很多年。當各自都已走到人生不同階段，才不再介意去抒發出來。

【我係全世界最慘嗰個】
從來都自知天賦不足的田雞，多年來一直只默默低頭地工作。18歲那年剛入行，已憑於社會性悲劇電影《忌廉溝鮮奶》，演繹一名智障人士，令不少觀眾留下深刻印象。到後來大眾集體回憶中，卻只把他歸類為喜劇演員。

至近年他出任香港電影工作者總會會長，現轉任為發言人。曾於《樹大招風》道具偽鈔案，合力籌款跟政府打官司，為業界成功贏得勝訴；公開指出Netflix撒離香港的「背後原因」；也總是暗自傷感地，一直被傳媒當作藝人死訊的發言人。

日久見人心。如果不是真心地愛着香港電影圈 ，很多時很多事，他都可以選擇袖手旁觀。但他沒有。

過去數十年，他最好的兩個朋友，分別是吳孟達及如花（李健仁）。今天一位已仙遊，另一位中風緊急開腦手術後，半身癱瘓及失去語言能力。

一個人靜下來寂寞來襲時，會感到已沒有朋友可傾訴嗎？

「我唔係一個好鍾意講自己內心世界嘅人，包括屋企人，都唔會講。我好細個時，已經成日諗『我係全世界最慘嗰個。』試過好懷疑人生，有一刻諗過想自殺。但後來諗通咗，如果我將負能量霸佔咗我成個人生，只會招來更加多嘅唔好運。我唔食煙飲酒，當好唔開心時，就去瞓覺。瞓醒就會唔記得咗。所以啲人唔明白，點解我成日都要瞓覺。」

【公公成日喺我面前打我阿媽】
為什麼從小已覺得，自己是全世界最慘的人？
「因為有經歷。會問自己，點解一出世屋企咁窮？點解我媽媽咁辛苦出去做嘢，返到屋企仲要俾公公打？公公無做嘢，平時好錫我，但成日喺我面前打我阿媽。點解會係咁？覺得好諷刺！我舅父有病，但一樣成日俾公公打。點解要打佢？對我好大衝擊。我完全無安全感。細個住喺九龍塘站火車路軌旁邊，我自己種咗啲蕃薯，父母出咗去做嘢，屋企無嘢食，我就掘個蕃薯出嚟，整俾自己食。」

【達哥送咗本珍藏演技書俾我】
年紀愈大，朋友愈少。如果現在可以見到吳孟達，有什麼話會想跟他說？
「當時佢話唔舒服，我有話過去探佢。但講完無上心，點知之後就已經見唔到⋯⋯自己諗返，覺得做人唔好口輕輕，做唔到嘅，就唔好立亂講，對自己一個警惕。同佢有好多回憶。佢當年專登送咗一本書《角色的誕生》俾我，係佢從影咁年多嘅珍藏。本書已經無咗原版，佢俾份影印本我。我都未睇晒。嘩！好似好深奧！要有返咁上下個人歷練，代入書裏面個境界，先可以融會貫通。仲有啲嘢都好諷刺，佢當年成日做生意，又成日都失敗。我同佢都類似，做生意都係失敗。太容易去信人。好少前輩，可以同佢有咁嘅緣份。」(本文未完)