停10日變8日但加12萬罰款 何澤堯有望騎金鎗六十跑預賽

何澤堯最終由停10日變8日，卻要加罰款12萬。

今日馬會董事局就何澤堯「喜至寶」事件進行聆訊，事緣競賽小組喺今個月4號裁定何澤堯於當晚跑馬地賽事第5場策騎「喜至寶」時違反賽事規例第100(2)條，因而判罰何澤堯由10月18日開始停賽，直至11月20日才可再次出賽，合共10個賽馬日，而何澤堯就此項處罰的嚴厲程度提出上訴。

今朝何澤堯帶同律師出席聆訊，經過一段時間審理，聆訊已經完結，最終何澤堯由停賽10日變成停8日，但同時卻另加罰款12萬元。不過，正正因為停少兩日，亦令何澤堯可以提早復出，有機會參與11月19號嘅沙田賽事，當日共有3場國際賽預賽上演，而3屆馬王「金鎗六十」正考慮提前復出角逐當日嘅1600米G2馬會一哩錦標，依家何澤堯提前復出，意味「金鎗六十」唔使換人跑呢場預賽。

何澤堯一步之差，重罰十日，巫偉傑認為布文令他遲開齋