苗禮德步高伯新後塵散倉!!!

苗禮德交還牌照 結束在港24載練馬生涯



苗禮德上季只贏得9場頭馬，唔合格要收警告信，係佢在港從練24個季度以來最差成績，亦係唯一馬季頭馬未達雙位數。一直有傳即使新一季有牌可繼續練馬，佢都意興闌珊而散倉。

今日有消息傳出，苗禮德已決定放棄練馬師牌照，而有其他練馬師亦表示，今朝得到苗禮德證實此消息，意味着苗禮德宣布散倉。

苗禮德現在只剩23駒，新季要爭取成績實在非常困難，而佢宣布散倉亦唔太令圈中人意外。

繼霍利時、蘇保羅放棄練馬師牌照後，剛季尾又有高伯新宣布唔玩，事隔數月輪到苗禮德放棄來季在港從練。