換左樂悠咭或者唔見左八達通，點算好？保存一樣野就得！
2023年2月26日
財政預算案2023消費券2023, 財政預算案派消費券換左樂悠咭，又或者唔見左八達通，點算好？保存一樣野就得！
大家好，財政預算案公布，2023年再派多次消費券
而當中消費券會分兩期派發
首期於四月派3000元，第二期2000元
而第一期將會派到上次消費券的支付工具
有唔少老友記擔心
近一兩年，不少年過六十的老友記都轉用樂悠卡
而大多老友記都是選用八達通作消費券的支付工具
那即將派的消費券，會不會有問題呢？
就以去年為例，有不少長者都排長龍去消費券/八達通辦公室處理
又或者打爆電話都打唔通
而這一年間，有更多長者換了樂悠卡
咁咪有更多長者要去排隊？
因為我發現，我的頻道有唔少長者睇，
所以今次特登為各位老友記出片
其實早在財政預算案一發表完，
小弟就呢個問題向其中一位立法會議員查詢，
至於係邊位就大家估下啦，
佢之後都有同財爺講，
得出回應都好正面，
如果閣下樂悠咭，曾經透過「易轉服務」，
由本身有消費券的八達通，易轉到新的樂悠咭
理論上，派新的消費券時，應該會直接發到新咭。
因為「易轉服務」包括消費券、消費券計劃登記紀錄及合資格消費紀錄
不過都戴個頭盔先，理論上這班老友記
絕大機會都可以直接將消費券過到新咭
注意，是絕大機會。
題外話，如果你在四月後才合資格申請樂悠咭
即領取消費券才申請樂悠咭
那你可以於指定港鐵站或商場内的八達通服務站，
使用樂悠咭「易轉服務」
將現有的八達通卡轉移至樂悠咭，當中包括消費券
至於，可能有部份的老友記，
可能一早用晒消費券，易轉服務都無用，
就直接將八達通回收取回按金
那怎樣好？
以去年為例，如果上次取消費券的八達通已違失或不存在，
是需要辦理更換「已登記消費券計劃八達通」
是可以在網上登記，
但必須要有消費券參考編號，
而消費券參考編號，你可於由政府發出的確認短訊查閱登記參考編號
方法好簡單，開手機短訊，搜尋消費券，就可以找到，
總之唔好刪除，等四月拎出來用就可以
到時有需要，我可以拍條片教大家。
如果真係咁唔好彩，換了手機或者刪除了短訊
那就可能要到時打電話去查詢
最後都總結返幾句
其實即使換了樂悠咭，都好大機會能將消費券轉移到新咭
如果各位老友記都係擔心換樂悠咭
會影響派下期消費券，
總之你保存著消費券參考編號
就唔會有事 |
新浪微博
QQ空间
人人网
腾讯微博
Facebook
Google+
Plurk
Twitter
Line
