張偉文專訪｜68歲「靚聲王」腦退化冇礙演唱
[youtube]dQQu4ijgick[/youtube]「有時佢打嚟話好失落，今日又冇人嚟探我，咁我就會話︰『好，我即刻過嚟。』佢會話係咪真架！佢真係好開心。」常陪張偉文飲茶的好友方俊。
「以我呢個人，好硬頸，能夠遇到咁幫忙嘅朋友，係我一生人最值得記住嘅日子。」回復肥肥白白的張偉文說。
68歲「靚聲王」張偉文，16年開始飽受腰椎問題煎熬，做過兩次大手術，又因頸椎退化，影響雙腳冇力，跌倒幾次搞到腦積血，要做開腦手術放血續命，自此記性變得差。
由行動自如，到失去自顧能力，要入住護老院，張偉文曾經在訪問講到憂心落淚。然而今日的他，抹去憂愁，似一個大細路，會扭出街，會鬧着要飲汽水，但又忘記自己患有糖尿。只要有他喜歡的點心，有人陪，已經樂透。
「社會福利署知他有腦退化，亦有醫生證實。」方俊說。
過往片段變得零碎，當刻嘅記憶亦好短暫，這種忘記，或許亦是忘憂，讓他真正活在當下。已忘掉昔日獨居住址，視院舍為家，張偉文找到樂趣，鬼馬性格更令他成為當中的歡樂組組長，院舍老人都是他的歌迷。「氹佢哋兩句就笑到騎騎騎。」舞台上的人，那裏也是舞台。
不受腦退化阻礙，是他唱歌本能。今個月開騷，下個月再唱兩場，找到寄託，他說︰「寄託其一啦，其二係佢哋見我成日都唔郁咁，好似死蛇爛鱔，就諗個方法興奮我。都好，起碼唔會同呢行脫離，唔會一下子脫離。我行動唔好啫，但我把聲無壞。」不變的，還有他天生的啜核應對……
請支持訂閱《娛壹》Patreon閱讀全文及睇足本片︰[url]https://www.patreon.com/posts/60085241[/url] 張偉文 - 離別再叮嚀 (聲王星后百代金曲演唱會)
[youtube]z7fm5Lsi69s[/youtube] [youtube]SuX73_ScMpU[/youtube]
2022年12月23日
張偉文70歲生日 眾星好友為壽星公賀壽
12月21號係靚聲王張偉文70歲生日，經理人方俊為佢開派對慶祝，好友陳友、魯振順、劉雅麗及Joe Junior等到場祝賀。
張偉文先多謝歌迷，佢嘅生日願望係想繼續開騷，呢日見張偉文面露倦容，經理人方俊強調對方身體無礙：「佢其實身體OK，不過佢今日比較眼瞓，可能佢喺院舍個瞓覺時間較早，晏晝就好精神，夜晚就比較攰，而家冇晒電。」
張偉文兩年前開始入住護老院，歌迷朋友都想知佢喺護老院嘅情況，方俊指張偉文喺嗰度住有時悶啲：「最開心有朋友去探佢，同佢出去飲吓茶，佢就最開心，我個個禮拜都有同佢出去飲茶，每個節日都會出去食飯，冬至做完節目，就會同佢一齊做節。」
頁:
[1]