八両金
[youtube]W6HfZP6heHI[/youtube]香港觀眾認識八両金，固然因為他在周星馳（星爺）電影《食神》、《喜劇之王》等的演出，戲份不多卻讓人極為深刻，相隔廿幾年仍是港產片上一大經典。這些年來不少與星爺合作過的演員都先後與他反目，很多人說他惡，視對方如親弟的八両金卻說：「佢有咩得人驚呀？咁斯文！」
八両金在電影中飾演醜角娛樂大家，甚至曾獲得「娛樂圈醜男人冠軍獎」，不過他並沒因此而難過，始終相信善良才最緊要，私下的他愛心爆棚，曾去保良局助養兒童，直言：「我揸Benz唔係為咗去夜總會車靚女，我係揸去車孤兒。」
儘管在銀幕前不介意醜化自己逗觀眾發笑，但喜劇演員總是對人歡笑、背人垂淚，對於這句話，八両金百分之百同意。他的一生經歷起跌，70年代末帶著3蚊人民幣來香港，憑一己之力把生意做得有聲有色，可惜好景不常，97破產時他眾叛親離跌落人生谷底，更曾試圖想結束這一生。他坦言：「演員對住鏡頭面前係一個喜劇，返到屋企，如果唔識控制，唔識做自己應該要做嘅嘢，會變成一個悲劇。」那後來他又是如何重新振作，阻止悲劇發生呢？
00:00 八両金長駐內地近況
01:34 曾做83版《射鵰》臨記 被黃日華要求換人大受打擊
03:30 無心做演員 因學歷低為張證書讀訓練班
04:36 屢演壞人感灰心 演警察更被真警察當冒警
05:57 與周星馳合作緣由 留冬菇頭竟是為偶像李小龍
08:59 生平最怕蟑螂 拍《喜劇之王》被活蟲鑽耳極大犧牲
10:26 讚星爺斯文唔惡 當對方親弟看待
12:37 未因其貌不揚不開心 善良最重要
13:21 曾去保良局助養孤兒 因一件事喊足幾星期
16:10 破產收樓眾叛親離 曾想過自我了結
20:46 親解常戴金鍊原因 信佛十多年深信做人為還債 八両菜含淚剖白：「冇攞過八両金一分一毫！」大病後決定復合？
[youtube]03F6s1ZpCCo[/youtube]
六十九歲的八両金（原名葉競生），當年炒樓炒股狂賺，聲稱身家曾經過億，奈何遇上九七金融風暴，身家財產隨即歸「零」，經濟陷入困境。老婆八両菜（何顓彤）更被指帶着僅餘的家當「走佬」，夫妻關係決裂！當年僅四歲的「八両仔」葉小霆，從此與爸爸相依為命。
Polly在訪問中，提到當年被指帶着八両金的財產「走佬」時，表示每次見到這些新聞都會無明火起，她說到中段更一度落淚，滿肚冤屈。
[color=Magenta]控訴八両金惡行 八両菜︰「佢患癌係報應！」[/color]
[youtube]zHDdzjkMRbA[/youtube]
八両菜忍不住向《東周刊》大爆，八両金多年來的惡行，包括︰家暴、出軌、刻薄、孤寒、大話連篇、機關算盡等等，既撕破前夫的真面目，還披露他原來患上癌症，命不久矣，八両菜更決絕的說︰「佢患癌係報應！」不過，八両金就激動地反擊：「佢造謠犯口孽！」 [img]https://s.yimg.com/ny/api/res/1.2/Dfi04L_MEOhqdulFaI.30g--/YXBwaWQ9aGlnaGxhbmRlcjt3PTk2MDtoPTE2OTM-/https://s.yimg.com/os/creatr-uploaded-images/2025-04/61d71930-20ed-11f0-abdb-58ac20c5f119[/img]
以騎呢聞名嘅喜劇演員八両金，90年代同年輕20年嘅老婆八両菜（何顓彤）建立家庭，二人婚後育有一子。但好景不常，八両金遇上金融風暴而損失慘重，當時八両菜更捨佢而去，多年來八両金帶住囝囝八両仔（葉小霆）做帶子洪郎。
勢估唔到去到2023年，八両金同八両菜戲劇性復合，而更戲劇性嘅係八両菜呢排向傳媒大爆多年來八両金嘅秘密！
八両菜受訪時指，90年代二人仍未分開時，被八両金「踢去做地產」，更指八両金會check佢戶口睇下出糧未，又聲稱八両金冇俾家用但反而要老婆俾錢佢使。八両菜又話因為搵少咗而被八両金家暴，令佢情緒低落到諗過帶埋個仔做傻事。到後來八両菜話因為發現八両金出軌證據，於是決心離開。
離家廿幾年後，前年八両菜身體出問題，體重暴漲之餘腿部又因為被昆蟲咬傷而受感染，八両菜向八両金求助，對方要求復合，更透露原因係有人身患癌症於是求照顧。八両菜話自己照顧過癌症病人，睇到八両金嘅身上有水腫，推測病情不輕。八両菜今次終於心死，認為八両金有報應，又話係解脫。
[img]https://static04.hket.com/res/v3/image/content/3975000/3976153/topick-thumb_1024.jpg[/img]
八両菜鬧爆八両金之餘，仲大爆30歲嘅八両仔「懶到出汁」，連陪爸爸睇醫生都唔制，寧願瞓覺。八両菜提議過八両金拎幾十萬出嚟搞小食店等個仔有收入，但就俾八両金拒絕。
[size=5]八両金回應時相當激動，否認身患惡疾，話自己依然好好精神，「你聽吓我把聲，老虎都打死幾隻！你睇吓我3個月後，仲係咪尚在人間，到時你嚟廣州搵我，我請你食飯」。八両金又指當年八両菜拎佢十幾廿萬投資損手，最終都係由佢填氹。[/size]
頁:
[1]