《俞明》年初七睡夢中安詳離世 享年100歲
[youtube]KLTwUEkSL1o[/youtube]人稱「俞明叔」的俞明在40年代已經加入演藝界，從粵語片時代開始，當時因擅演鬼馬角色而被譽為經典笑匠，到了1970年，俞明在蔡和平的邀請下加入無綫《歡樂今宵》演出，接着又拍過不少電視劇和電影，可謂陪伴過不少觀眾成長。經俞明的女兒的證實，「俞明叔」於昨天年初七早上於睡夢中安詳離世，享年100歲。 [youtube]GiHlzUHZIcE[/youtube]
李小龍堂姊夫資深演員俞明 睡夢中安詳離世享年100歲
人稱「俞明叔」嘅資深藝人俞明，2月4號年初七人日喺醫院於睡夢中安詳離世，享年100歲。俞明叔喺年初二因病入院，後被診斷為肺炎，留院期間佢處於昏睡狀態，直至4號家人收到醫院通知俞明叔情況轉差，家屬抵達醫院時，俞明叔已喺睡夢中安詳離世。其女兒Heidi喺社交平台公布父親離世消息，亦感恩父親冇痛冇掙扎離開。
原名阮耀麟嘅俞明叔活躍於黑白粵語片年代，初時演活反派角色，隨後轉變戲路演諧趣角色，多年嚟參演超過300齣電影同超過50部電視劇，喺1970獲《歡樂今宵》監製蔡和平邀請加入節目，繼續發揮趣劇技能，佢仲接受過廖啟智訪問暢談唔同年代趣劇嘅分別、分享《歡樂今宵》難忘事。
育有三女嘅俞明叔喺1998年正式退休，女兒亦不時喺網上分享爸爸近況，四代同堂嘅俞明叔兒孫滿堂，享受家庭樂。去年女兒分享俞明叔百歲生日相，一家人樂也融融合照，俞明叔亦精神奕奕。
退休後深居簡出嘅俞明叔，於2015年曾出席EYT聯歡晚宴，當時佢談笑風生形容自己身體狀況。除咗演員身份之外，佢嘅另一個身份就係武打巨星李小龍堂姐夫，以往每當李小龍從美國返港，俞明叔同家人親自接機。
跟俞明叔合作過嘅薛家燕不捨前輩離世，話俞明叔睇住佢大，形容俞明叔係喜劇能手，跟對方合作永遠笑唔停，不論戲內戲外都氹得大家好開心。
[youtube]dNicnfV4ZTs[/youtube]
《歡樂今宵》鬼馬笑匠俞明
人稱「俞明叔」的俞明於40年代入行，演藝生涯由粵語片時代開始，因擅演鬼馬搞笑角色而被譽為笑匠，其後他加入TVB於《歡樂今宵》繼續帶給觀眾歡樂。俞明叔還參演過不少劇集，演藝生涯長逾50年。
頁:
[1]