戴耀明到茶餐廳開工︰聽到有客細細聲講『好唔掂咩！』
[youtube]SU11fJ5Wdi8[/youtube]52歲TVB綠葉戴耀明(小明)，日前被報道無劇拍日子，為生計走到食肆老闆兼演員Billy(張本立)的茶餐廳打工，主力侍應工作。賺外快之餘順道取經，為他日實現開茶記夢想，舖定後路。
演員與普通市民無別，面對收入大減，上有高堂(母親)的小明，就要撈多瓣。日前《娛壹》約他在鳳凰新村上班的茶餐廳見，過了中午繁忙時段，小明稍歇一回，與記者詳談。期間夫婦客人謝生謝太專程來食下午茶，為小明打氣，還拿出曾在酒樓與戴耀明母子合照，以證是粉絲，「知佢好孝順！所以今日喺附近覆完診，就過嚟食下午茶撐佢。」有觀眾緣的小明，喜見支持者一場嚟到，私人醒多碗嘢︰「真係要送多碗例湯畀你哋...... 茶餐廳打工登內地時事網 照顧80幾歲媽媽難北上搵食 | 同女友拍拖10幾年 感覺像家人是肚裏蟲
[youtube]VrXXOSwYGzQ[/youtube]
戴耀明被發現在黃大仙的茶餐廳打工，抹枱落單洗碗洗廁所一腳踢，有說他三個月冇劇拍，不得不找出路。
這天來做訪問，他碌大雙眼感嘆：「最O嘴是登上內地熱搜，連內地官方時事網都有這單新聞。」
很多人關心他，做餐廳食肆的打來說可以請他，TVB藝員部問：「你媽媽八十幾歲，有冇咩可以幫到手？」甚至有朋友打給他問：「有嘢搵你開工，介唔介意有少少撈偏？」人間有情，雪中送炭，他完全感受到了。
去茶餐廳打工是實習，因藝人這份工不知可以做到幾多歲，自己又沒有一技旁人，學習一下其他行業怎樣運作，是有用的。「做人最緊要能屈能伸，又唔係偷又唔係搶。」他搔一搔光頭說：「我一個小市民，一件這麼細微的事，能夠令人覺得有鼓勵作用，真的死而無憾。」
頁:
[1]