萬象天地｜ 食玩買足一日：過百間食肆、千間商舖
[youtube]F9prsKhhgZc[/youtube]深圳好去處｜周未想近近地去個小旅行？深圳同香港只有一條河相隔，係一個唔錯嘅選擇。DCC就係呢度介紹深圳自由行必去打卡景點、必食美食同必逛商場，一片攞晒資訊嘅攻略，等你玩得盡興！
萬象天地
地址：深南大道9668號
營業時間：週一至週日 10:00–22:00
交通：由福田口岸過關，搭紅色4號線去會展中心站，再轉綠色1號線去高新園站，然後由A出口出閘。
好多人會混淆「萬象城」同「萬象天地」，不過「萬象天地」喺南山區，2017年先開業，裝修同設計好科技感，商場嘅設計充滿時下年輕人嘅潮流特色，加埋商場正門嘅吹氣大象「Bubblecoat Elephant」，成功吸引唔少網紅嚟打卡！
商場有多達1300間店鋪，包括好多文創店同打卡cafe，充滿濃厚嘅文藝氛圍，完全係文青天堂！值得一提，[color=Magenta]萬象天地同羅湖區嘅萬象城唔係同一個地方[/color]，記住唔好去搞錯啊！
如果鍾意去文青Cafe飲咖啡嘅話，呢度都有好多選擇，例如Mr. Walden Coffee、Pintxos Tapas Bar等等，都係好受歡迎嘅小店。鍾意打卡嘅朋友一定鍾意嚟呢度，有好多網紅店可以打卡。飲食同餐廳方面，除咗啲網紅cafe之外，商場6樓仲有好多高檔餐廳，有好多間都獲得米芝蓮推薦。另外仲有一條美食街可以揀揀。商場亦有唔同品牌嘅旗艦店，可以嚟過下滿足下shopping嘅慾望。而且室外都會同唔同品牌合作搞唔同嘅節日活動，真係行一日都行唔晒啊。
頁:
[1]