吳業坤浜口愛子婚禮現場
[youtube]mFB-Mf44Bgg[/youtube]2023年3月15日 #浜口愛子 #吳業坤 #ENewsLive
直播丨吳業坤浜口愛子婚禮現場
去年5月宣佈同日籍主持 浜口愛子 喺日本成婚嘅 吳業坤 今日喺香港一間酒店補辦婚禮，一班圈中好友下午已經現身現場親自向一對新人祝賀。大個仔升呢做人夫接近一年嘅坤哥，將親自向大家分享再次同太太經歷一次婚禮嘅感受。 [youtube]OfA3xsiC2As[/youtube]
2022年5月8日 #吳業坤 #日本 #結婚
近年成日飛去日本嘅 @吳業坤 除咗之前步行東海道令人佩服佢嘅毅力，早前又為奧運前往當地拍攝，而過年後又身處日本嘅佢，踏入母親節凌晨就送咗份大禮俾媽咪，突然宣佈大個仔結咗婚喇。
消息一出唔止外界愕然，就連一大班圈中朋友都大為驚奇，坤哥就話對自己能唔能夠勝任人夫有啲懷疑，不過全世界最好奇嘅當然就係新娘子嘅身份啦。神通廣大嘅網友大大，唔使幾耐就已經將女主角身份揭曉，27歲嘅日藉新娘 #濱口愛子 喺當地曾擔任主播同賽馬節目主持，傳聞早喺幾年前已經同坤哥認識，而早喺4月仲已經喺社交平台公佈喜訊，話自己同一位歌手已經成婚，之後仲會搬到海外定居添。
知道被起底嘅愛子事後已經將社交平台轉為非公開，而坤哥就透過經理人公司多謝大家祝賀，又有傳佢下星期就會返港，唔知今次係咪一個去兩個返帶埋新婚太太返嚟呢？
而新郎哥傍晚亦都親自以語音形式回應喜事，首先話結咗婚大個仔有好微妙感覺嘅坤哥，又「愛妻號」上身，希望大家比啲時間同空間太太慢慢適應添，真係Sweet到暈呀。 坤哥果然係.....
個樣似傻瓜，但其實係暖男。
期待坤仔快些面世。
頁:
[1]