個個新倉主 幾乎都係首日即勝？
[url]https://racing.on.cc/news.html?articleId=bknrac-20220901180229005-0901_01002_001[/url]香港馬壇競爭激烈，新練馬師已唔興歎慢板，反而是及早省靚招牌，打響頭炮予人一個良好印象，之後條路才能走得暢順。翻查近5季新倉主開齋紀錄，除了麥菲文9月下旬才開勝門外，其餘4位都係成功搶灘，開鑼首日派馬即勝。16年羅富全只派「銘記心中」1匹上陣，即能以2.5倍大熱身份一擊即中，全哥一派馬就做主角，就連師傅蔡約翰都有一齊影頭馬相，當然係賽後頭條啦！
18/19馬季開倉的丁仔丁冠豪，首日先憑「勝利寶石」食出頭胡，之後再有「銀城福星」幫手起孖，當日丁仔更請到師傅、已故的簡炳墀為自己撐場，看來練者事前已立心贏馬壯聲威。
十三屆冠軍騎師韋達，就於繼後一季做一倉之主，開鑼戰第2場就有「明月昇輝」順利摘冠，呢隻馬之前跑咗20仗都與頭馬無緣，但一拉倉去韋廐即刻脫胎換骨，證明十三少真係有料到！尚有2020年重臨香江的希斯，曾經兩度在港榮登冠軍，首日亦憑住「友盈有款」以及「精彩勇士」起個靚孖，頭炮順利搶Focus！
[img]https://hk.on.cc/bknrac/bkn/cnt/news/20220901/photo/bknrac-20220901180229005-0901_01002_001_01p.jpg?20220901191526?t=1662088984435[/img]
嚟到今季，有兩位新人在港開倉立萬，分別係之前在蘇保羅、蔡約翰同呂健威馬房任副手的伍鵬志，以及在新西蘭4度當上冠軍練馬師的黎昭昇，暑期已見兩位積極備戰，伍廐「韋小寶」最近試閘跑第1，有望在首日出戰特首盃，究竟兩位可唔可以同上述4位一樣，在開鑼日敲響勝鼓？大家等多一個禮拜左右，好快揭曉！
頁:
[1]